النزله المعويه
النزله المعويه عند الاطفال و كيفية التعامل معاها
 |
| النزلة المعوية عند الاطفال و كيفية التعامل معاها |
سؤال مكرر و كل الامهات بتساله ابنى عنده نزله معويه ياكل ايه يشرب ايه اتعامل معاه ازاى تعالو نشوف ...
ابنك لو بيرضع طبيعى يبقى هيكمل زي ما هو على الرضاعه
الطبيعيه مش هنغير حاجه هنمنع بس الاكل اللى ممكن يتعب معدتك او معدة طفلك زي
الاكل الحراق و منتجات الالبان فى بعض الحالات .
ابنك لو بيرضع صناعى بردو هنكمل زي ما هو مش هيحصل حاجه ،،
طيب والالبان خاليه اللاكتوز اللى الشركات منزلها عشان النزله المعويه ؟!!
الدراسات اثبتت ان الالبان دى مش بتحقق اى استفاده و مفيش
فرق خالص بينها و بين الالبان العاديه و مش مضطرين نغير نغير اللبن خالص و قت
النزله المعويه تكلفه و مشقه بدون داعى .
 |
| النزلة المعوية عند الاطفال و كيفية التعامل معاها |
ابنك بياكل ؟؟!!
يبقى قدمنا اتجاهين لازم نمشي عليه
اولا: ان نعوض السوائل اللى الطفل بيفقدها و انسب حاجه
للموضوع دا هو محلول معالجه الجفاف بس مش كل الاطفال هتقبله خصوصا لو مفيش جفاف و
وقتها يكون البديل فى السوايل و العصاير، بس العصير اللى نديه لازم يتوفر فيه
الشروط التاليه :
- يكون فريش و الافضل يكون معصور فى البيت.
- يكون غير مضاف ليه سكر.
- يكون من فواكه مش بتزود الاسهال ولا بتهيج جدار المعده و افضل الفواكه اللى الطفل ياخدها التفاح الكمثرى الجزر الجوافه الموز.
- يكون مخفف هنخفف العصير بيكون 4 مقادير ميه لمقدار واحد عصير.
 |
| أمراض الأطفال . النّزلة المعويّة . الأعراض . الأسباب . العلاج . نصائح للوقاية من النّزلة المعويّة |
ثانياً: نبتدي نِأكل الطفل بس الاكل دا بردو لازم يتوفر ليه
شروط ،
- ان يكون ممسك يعنى مش بيزود الاسهال يكون خالى من السكريات او قليله جدا.
- يكون غنى بالبوتاسيوم و قليل الصوديوم.
- يكون غير مهيج لجدار المعده.
- يكون خالى من الدهون و الزيوت.
 |
| النزلة المعوية عند الاطفال و كيفية التعامل معاها |
انسب اكل يتوفر فيه الشروط دي كلها ( الموز -- التفاح -- الرز-- العيش ) دي انسب حاجات ممكن الطفل ياخدها نبتدي بيها و ممكن نضيف بعد كدا ( الجزر- البطاطس البسكوت الساده -الكوسه - الخضار المسلوق عموما ) و طبعا الاكل كله مسلوق
بس الاكل دا مفيش فيه بروتين فلازم من تانى او تالت يوم
يبتدي الطفل ياخد بروتين طيب ايه هو نوع البروتين ( الفراخ و شوربتها مفيش لحوم حمرا
طول مدة العلاج )
 |
| النزلة المعوية و كيفية التعامل معاها |
ملاحظه
اولا يجب ان نعرف ان النزله المعويه بيتقى عدوي فيروسيه
زي دور الانفلونزا يمكن ان تستمر من اسبوع لاسبوعين فمنقلقش لو زاد عن اسبوعين
لازم نلجأ لدكتور لان دي مش نزله دي اسهال مزمن .
ثانيا اذا كانت درجه الحراره اعلى من 38.5 و الاسهال فيه مخاط او دم يبقى لازم الطفل ياخد
مضاد حيوي و لازم اعمل للطفل كمادات ميه فاتره اول قبل اعطاء خافض الحراره لان
معظم خوافض الحراره لا توثر مع الحراره المرتفعه عن 38 .
ثالثا فى حاله عدم توقف
الترجيع و الاسهال و الطفل رافض محلول معالجه الجفاف يبقى لازم نتوجه لاقرب
مستشفى لياخز الطفل محاليل وريديه لعدم حدوث جفاف شديد
تذكر قوله تعالى: (مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ).